Eguzkik bat egiten du larunbat honetan Barakaldon egingo den Zuhaitz landaketarekin. Herriko hainbat talderekin elkarlean arituko gara Barakaldo natural eta osasungarri baten alde.
Urtero bezala, Ekologistak Martxan-ek eta Bizizaleak Konpartsa Ekologistak plantazio bat antolatu dute. Ekimen hau ‘Renaturalización de ciudades: bosquetes urbanos” / ‘Hiri berdeagoak eta osasungarriagoak denontzat’ leloarekin indartuko da.
Talde ekologisten urteroko landaketak helburu nagusi bat du: Aste Nagusiko gure jardueraren aztarna konpentsatzea. Eta, urtero bezala, landaketa honetan Trianguneko konpartsek parte hartuko dute: Bizizaleak, Mekauen eta Sin Kuartel. Eguzkizaleak konpartsak eta Eguzki Barakaldo talde ekologistak ere bat egin dute deialdiarekin. Hala ere, deialdia zabalik dago oraindik, ahalik eta boluntario gehien batzeko helburuarekin.