Antolatzaileen arauera 1004bozketatik ( zentsoaren
%44a), 990 Atez atekoaren kontra, 13 alde eta nulo 1.
PNV-k
orain arte ukatu eta baztertzen zuen erreferendumaren bidea erabiliz, Gipuzkoan
zaborren inguruan sortu den ika-mika politikoari irtenbidea eman nahi izan dio,
bere izaera guztiz demokratikoaren senari jarraituz.
Baina
erreferendumaren bidea guztiz ona edo perfektua iruditu ez eta aldaketa batzuk
egin ditu, metodo berri bat asmatuz: boto delegatua.
Boto
delegatuaren bidez, norberak ez du joan behar botoa ematera, nahikoa da
horretarako egokitutako orri batean botu emailearen izen abizenak naiz NAren
zenbakia idatzi eta sinatzea. Beraz edozein arrazoiengatik, beste pertsona baten
datu horiek dituen edonork bete dezake orritxo hori.
Baina
hori gutxi irudituta, metodoa unean uneko egoeretara egokitzen da:
-
Botu emaileak sinatu gabe ekarri duzula delegatze orri? Ez du axola! Tori
boligrafoa, segi txokora, sinatu eta bozkatu.
-
Datuak falta direla eta daudenak ez direla zuzenak? Txikikeriak. Zentsoak
eskuetan ditugunok, bilatu eta osatuko ditugu.
Horrela
beti PNVk nahi dituen emaitzak lortzen dira. Hemendik aurrera erreferendumak
beti PNV-ren alde.
Ironiak
alde batera utzita, Eguzkitik beti egin dugu herritarren partaidetzaren alde eta
ondorioz erreferendumen alde. Atez atekoaren kasuan ere bai. Hala egin genuen
lehen aldiz Usurbilen egin zenean eta halaxe eskatu izan diogu Bilduri ere
orain: erreferendum-ak egin eta emaitzak kontuan hartu behar direla.
Ez
zitzaigun batere gustatu boto delegatuaren kontu hori, beraz ezin errefendum
horien alde azaldu. Baina Zizurkilen, non boto delegatuen kopurua 300era ( 1004
bozka guztira) iristen dela onartzen duten, iruzurrean oinarritzen den PNVren
metodo berriaren nondik norakoak garbi utzi du PNVren eta Atez Atekoaren Aurkako
Plataformaren benetako aurpegia.
Zergatik
behar zituzten bozka horiek? Guk uste dugu udal hauteskundeetan Bilduk lortutako
boto kopurua gainditzeagatik.
Lehendik
ere konfidantza gutxi genuen EAJ-k erreferendumekiko zuen jokabidean ( horren
adierazgarri Legazpiko erreferendumaren harira atera genuen kartela zeina atxiki
dugun) baina orain, guztiz lokaztuta geratu da PNVren izaera "demokratikoa". Eta
zeharka errefendumarena eta demokraziarena bera ere bai.
Eta
PNV-z hari gara, bozka iruzurti horiek onartu dituztenak egungo EAJ-ren kargu
publikoak edo/eta kargu publiko ohiak direlako: Zizurkilgo zinegotziak,
Gipuzkoako Aldundiko Batzarkideak, Zizurkilgo Alkate ohia...
Espero
dezagun erreferenduma babestu duen PSE-k adibidez, ez duel ontzat emango
emaitza, bestela beraiek ere kakazatuta daudela pentsatu beharko dugu.
Hona
hemen, esandakoen froga gisa bi bideo.