Otsailaren
erdialdian, Getxoko herritar bat, Bolueko hezegunearen inguruan, Gobelas
errekako erriberatik pasioan zihoala, dimentsio handiko gasoil edo antzeko
substantzia baten isuria antzeman
zuen. Jokabide egokia erabilez, lehenik Udaltzaingoa deitu zuen eta hurrengo
egunean Eguzkiri jakinarazi zion.
Eguzkitik
Udaltzaingoarekin kontaktuan jarri ginen, salaketaren inguruan gure interesa
adierazteko eta zegokien departamendura igorri zutela esan ziguten, baina
dirudienez, ez zituzten momentuan uraren laginik hartu jakin ahal izateko
substantzia zein zen.
Hurrengo
egunetan, udal teknikari arduradunarekin elkarrizketak mantendu ditugu, eta
hasieratik esan digu jatorria Fadurako instalazioetan egon daitekeela, askotan
gertatu izan dela ur-emari maila asko handitzen denean. Harritzen gaitu eta gure kritika
plazaratu nahi dugu, jakinda zein izan daitekeen arazoa, aurretik Udalak ez
ditu neurriak hartu, eta isuri horiek saihestu ahal ziren eta baita ere ingurugiroari dagozkion kalteak ere.
Zehazki,
instalakuntzak gas naturalera aldatu zireneko erabiltzen ez den dimentsio
handietako antzinako depositua aipatu zuen. Itxura denez, inertizatu zuten,
baina gertatutakoa ikusita, ez zen zuzen egin. Teknikari honek esan zuen, isurbidetik kamara bat sartu eta
gero, isuriaren jatorria zela baieztatu zen eta depositutik ur eta gasoil
nahasketa bat atera dutela, ia hiru kamioi-zisterna beterik, eta berriro ere
inertizatu dela zementuarekin betetzen.
Hala
ere, oraindik kantitate txiki bat Gobelasera isurtzen dela eta isurbide baten
irteera zati bat apurtuta dagoela uste dutela eta hidrokarburo apur bat pilatu
ahal izan dela eta desagertuko dela.
Eguzkitik,
berirro ere herritarrak animatzen ditugu horrelako gertakariak
antzematean, lehenbailehen
salatzera. 112ra deitzea bezain erraza da, kokapen zehatza eman eta ikusten
denaren azalpen txiki bat ematea. Zerbitzu honetatik inplikatuta dauden
departamentuak koordinatzen dira eta beharrezkoak diren protokoloak martxan
jartzen dira. Eta nola ez, eguzki.eguzki@gmail.com, gure helbide
elektronikoan jakinaraziz.
Garrantzitsuena
isuri hauen kutsatze efektuak lehenbailehen indargabetzea da.